Galiza Nova Baixo Miño

Galiza Nova: “Á hora de de invertir no futuro da mocidade e da cultura, coma sempre, faltan cartos”.

Galiza Nova de Tui, mostran a súa solidariedade “cos compañeiros e compañeiras, así como coa anterior directiva e profesorado, da Escola Municipal de Música e do Conservatorio Profesional de Música de Tui, ante a situación que están a vivir”, despois de que dimitiran por discrepancias coa concelleira de Educación, Patricia Ricón Alonso.

Segundo a nosa opinión, «o total abandono e incomprensión por parte do Concello de Tui e, en especial da concelleira responsábel de Educación, Patricia Ricón Alonso, levou á supresión do curso preparatorio para os alumnos máis novos e á reducción da duración das clases individuais do grao elemental dunha hora a media hora», xa que ao introducir os cambios esixidos polo novo sistema de ensinanza do grao medio de música, segundo o concello, «saian demasiadas horas de clase» nos horarios do novo curso, e «non había cartos para pagalas». Tras varias reformas do horario para o novo curso e logo do inicio dunha negociación que a actual Corporación Municipal do PP nunca tomou en serio, o anterior equipo directivo presentou, farto da situación, a súa dimisió.

«Esta explicación de falta de cartos –na nosa opinión- cae polo seu propio peso». Poñen como exemplo que o Concello de Tui ven de gastar 66.000 euros nas macetas da rúa Rosa Bahamonde ou que gasta mensualmente 2.300 euros dos contribuíntes en chamadas de teléfonos móbeis, outros 4.000 euros mensuais en mantemento de parques infantís, e un longo etcétera de despilfarro e gastos dificilmente xustificábeis». Sen embargo, inciden, «á hora de invertir no futuro da mocidade e da cultura, coma sempre, faltan cartos».

Con isto e as respectivas notas de prensa, dende Galiza Nova, esiximoslle ao concello que «recapacite e que lle dea a importancia e a posta en valor que merece o Conservatorio como centro de ensinanzas artísticas e de difusión da cultura».

Esta mobilización sairá ás 18 desde Vía Norte até a rúa de Príncipe, fronte ao Marco, e visibilizará desde a cidade de Vigo a loita contra a dominación capitalista.

Galiza Nova Baixomiño acudirá á manifestación na cidade de Vigo en contra da cimeira que nestes días se está a celebrar na vila de Rostock, en Alemaña dos oito países máis poderosos do mundo. Pensamos que tamén desde Galiza, e desde o sul deste país podemos e debemos amosar o noso rexeitamente ao seu modelo de explotación, visibilizando a necesidade de facer efectiva a xustiza social e as alternativas que día a día dos colectivos que traballan desde abaixo e pola esquerda.

Esta mobilización esta convocada por organizacións xuvenís, deportivas, centros sociais e outras organizacións políticas: AMI, Asemblea Anti-imperialista, Ateneo Libertario, Ceivar, Celtarras, Centro Social A Formiga, Centro Social Faísca, Centro Social Revolta, CIG Mocidade, Galiza Nova, GAS, Kaleidoscopio, Nós-up, Precarias en Loita, Siareiras Galegas e SRI.

No manifesto desta convocatoria manifestase que «deslexitimar o G8 é só un primeiro paso na marcha cara un movemento global contra a dominación capitalista onde queira se dea. Somos, por tanto, contrarios a toda xestión capitalista da sociedade por canto supón un modelo altamente regresivo en materia de conquistas democráticas.

Desde estes colectivos tamén se realiza unha avaliación da situación xerada polos efeitos negativos das políticas neoliberais e as súas consecuencias inmediatas na Galiza : «a chegada do AVE, os megaportos de Vigo e A Coruña, a proliferación de PXOM´s relacionados con escuras tramas inmobiliarias, a especulación urbanística, o constante expolio do medio natural, o incipiente uso de transxénicos, a hiperexplotación dos sectores asalariados, as dobles e triples xornadas de traballo das mulleres,as altas taxas de migración xuvenil ou a descomposición do tecido social son a mostra palpábel do deterioro das condicións xerais de existencia nun territorio da periferia de Europa, submetido á ditadura do capital». Así, e contra esta realidade de privación de dereitos fundamentais, «reivindicamos toda unha serie de iniciativas que percorren hoxe de punta a punta o quefacer cotiá de milleiros de persoas en forma de loitas contra a mundialización da economía, a mercantilización da vida, o control social, o tráfico de mulleres, o retorno da enerxía nuclear e a chantaxe do progreso tecnocientífico. Pero tamén pola reclamación do dereito á liberdade de tránsito e residencia, a condoación da débeda externa aos países do terceiro mundo, a defensa do territorio ou a reivindicación por unha renda básica para todos e todas».

Outras das cuestións clave para os convocantes son as demandas e mobilizacións do transporte público gratuito, da igualdade real entre mulleres e homes, da vivenda digna, da cultura popular, pola obxección fiscal contra os gastos militares, pola soberanía alimentaria, «e un longo etc que irá collendo corpo a medida de sermos quen de entender a importancia real da catástrofe planetaria xerada pola globalización capitalista».

Impulsaremos a participación social e política da mocidade no deseño das medidas que lle afecten, potenciando deste xeito a súa autoorganización, apostando por apoiar as súas iniciativas e proxectos.

Partiremos dunha concepción integral da política xuvenil, que abranga todas as áreas sectoriais con incidencia na mocidade. Institucionalmente, existiría no Goberno municipal unha estrutura dentro do organigrama do concello, con capacidade executiva e de coordinación interdepartamental da política xuvenil. Dito departamento deberá impulsar un «Plan Integral da Mocidade», que desde unha óptica transversal e mediante o diálogo co asociacionismo xuvenil, estableza diagnoses e medidas de actuación en ámbitos como a participación social, vivenda, transporte, información, emprego, ocio alternativo, equipamentos, saúde e sexualidade, deporte, ensino, etc.

Ademais, para a axeitada posta en marcha do noso proxecto para a mocidade, será de grande importancia a creación e dinamización do Consello Municipal da Mocidade, co obxectivo de impulsar o asociacionismo e promover un marco administrativo flexível e aberto ás demandas e inquedanzas do colectivo xuvenil e as súas organizacións, que permita a participación directa na definición da política xuvenil e garanta a interlocución cos distintos axentes que teñen relación coa programación da actividade na área de mocidade.

Procederase á elaboración e desenvolvemento dun «Plano de Promoción do AsociacionismoXuvenil» e colaborará na xestión e desenvolvemento de actividades.

Aquí podes descargar o último voceiro comarcal de Galiza Nova
Seguir lendo →